پیر, 16 نومبر 2026
پیر, 16 نومبر 2026|
تازہ ترین
سیاست

پرچم بردار بحری جہازوں کا پاکستانی بندرگاہوں پر داخلہ بند

News Cuff

پاکستان نے بھارت کی تجارتی اور سفارتی جارحیت کا منہ توڑ جواب دیتے ہوئے بڑا قدم اٹھایا ہے۔

وزارت بحری امور نے باضابطہ طور پر اعلان کیا ہے کہ اب کسی بھارتی پرچم بردار بحری جہاز کو پاکستان کی کسی بھی بندرگاہ پر داخلے کی اجازت نہیں دی جائے گی۔ یہ فیصلہ بھارت کی جانب سے پاکستان کے خلاف حالیہ جارحانہ اقدامات کے جواب میں کیا گیا ہے۔

وزارت کا دوٹوک اعلان

وزارت بحری امور کے حکم نامے کے مطابق یہ پابندی فوری طور پر نافذالعمل ہے اور کوئی بھی بھارتی جہاز پاکستانی پانیوں میں داخل نہیں ہو سکے گا۔ مزید یہ کہ کسی پاکستانی پرچم بردار جہاز کو بھی بھارتی بندرگاہوں کا رخ کرنے کی اجازت نہیں ہو گی۔

پس منظر میں بھارتی اقدامات

یاد رہے کہ بھارت نے حالیہ دنوں میں پاکستان کے خلاف کئی سخت فیصلے کیے تھے، جن میں براہ راست اور بالواسطہ تمام اشیاء کی درآمد پر پابندی، ڈاک اور پارسل کی ترسیل کی بندش، اور پاکستانی جھنڈے والے بحری جہازوں کی بھارتی بندرگاہوں میں لنگر اندازی پر پابندی شامل ہیں۔

پاکستانی اقدام کو قومی خودداری کا اظہار قرار دیا جا رہا ہے اور اسے بھارت کی یکطرفہ کارروائیوں کا بھرپور جواب سمجھا جا رہا ہے۔

یہ بھی پڑھیں:بھارت کی ایک اور اوچھی حرکت، پاکستان سے تمام اشیا کی براہ راست یا بالواسطہ درآمد پر پابندی لگادی

قرآن مجید اردو ترجمے کے ساتھ پڑھیںنماز کے اوقات • رمضان کیلنڈر • قرآنی دعائیں

متعلقہ خبریں

تبصرہ کریں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے